സ്നേഹത്തിന്റെ തേനുറവ വറ്റാതെ അന്തിക്കു കൂടണയുന്ന മക്കളെയും കാത്തിരിക്കുന്ന എല്ലാ അമ്മമാര്‍ക്കും.......
അമ്മേ, നിന്റെ താരാട്ടുപാട്ടിലെ
വര്‍ണ്ണ മാരിവില്ല് മലയാളം
നീ ചുരത്തിയൊരമൃതബിന്ദുവിന്‍
ജീവമാധുര്യം മലയാളം
നിന്റെയക്ഷയ പാത്രമേകുന്ന
കഥകളെന്നുമെന്‍ മലയാളം.
ഞാന്‍ പിറന്നൊരാ ഗ്രാമഭൂമി തന്‍
മന്ദഹാസം മലയാളം.
കവിത മൂളിക്കൊണ്ടൊഴുകുമരുവി തന്‍
കളകളാരവം മലയാളം.
സ്നേഹഭാവനയ്ക്കിമ്പമേകുന്ന
താളമെന്നും മലയാളം.
ഭാവഗീതികള്‍ക്കീണമേകുന്ന
രാഗമെന്നും മലയാളം.
നിന്റെ മക്കളീ ലോകമൊട്ടുമേ
നിന്‍ യശസ്സുയര്‍ത്തീടവെ-
നിര്‍മ്മലന്മാരാം എന്റെ സോദരര്‍-
ക്കമ്മ തന്നെ മലയാളം.
പൊതുവാളന്‍
കാസറഗോട്ടേക്ക് സ്വാഗതം
ബേക്കല് കോട്ടയില് നിന്നും ഒരു ദൃശ്യം
ചന്ദ്രഗിരി ഒരു പച്ചത്തുരുത്തിനെ വലയം ചെയ്ത്
കോട്ടയും തീരവും
0 comments:
Post a Comment